منتدى ناكر المستحيل
اهلا وسهلا بك زائرنا الكريم في منتدانا منتدى ناكر المستحيل يسعدنا ان تقوم بالتسجيل في منتدانا


اهلا وسهلا بكم في منتدى ناكر المستحيل
 
الرئيسيةالبوابةبحـثالأعضاءالمجموعاتالتسجيلدخول
ناكر المستحيل في حاجة الى مشرفين+ مراقبين ان كنت جادا راسل الادارة

شاطر | 
 

 رحلة جوية ممتعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد
عضو جديد


عدد المساهمات : 6
نقاط : 7
تاريخ التسجيل : 25/09/2009

مُساهمةموضوع: رحلة جوية ممتعة   السبت سبتمبر 26, 2009 7:26 pm

والحين ببدا قصتي اللي عن رحله من رحلاتي ..تكفى ياابن بطوطه
بحكم اني رجل اعمال يعني بزنز مان على وزن سوبرمان
حبيت اني اروح لندن عشان احضر اجتماع سنوي للبزنز مان

المهم قلت في نفسي لازم اريح عمري واركب طياره راقيه ولها سمعه من ناحية الخدمه صراحه احترت بين
الخطوط الاثيوبيه ولا السودانيه ولا السعوديه والايرانيه والمصريه كلهم خطوط ماخذه جوائز المهم
قلت ليش احتار اسوي حدر بدرا عدي العشره. والي يطلع اركب معه
المهم يوم الله اراد اني ارتاح طحت بالخطوط الجويه ؟؟؟؟؟ وتأكدت اني على الخطوط الجويه ؟؟؟؟..يوم
اني قلت للمضيف لو سمحت انا وجبتي ماخذتها
قال وش تبي اسويلك اطبخ لك ولا اطلب لك مندي من مطعم اوبو رايق اقول ماتضف وجهك وتقعد
في كرسيك ازين لك عرفت وقتها اني على الخطوط الجويه ؟؟؟
قلت له طيب ابي ماء قال وين انت جالس في قهوه بالنسيم اقول انثبر لاطبلها على راسك .. قلت انشالله
المهم جلست محترم من الروعه ماني عارف اوازن وجهي من رقص العروق الي فيه من الفشله
المهم جلست وقلت اضيع السالفه واسولف مع الي جنبي ويوم بدينا السوالف ليتني مابديت بدا المهرجان
بالالعاب الناريه والا رانب تلاه كلمه للسيد الرئيس الي جنبي تلاه الصواريخ الي بغت تفجر راسي
تلاه انا رديت لعيونك انا رديت ...المهم سويت نفسي نايم من كذبه حسبي الله عليه ..

المهم وحنا طايرين قال الطيار الرجاء ربط الاحزمه قدامنا طعوس هوائيه هاهاه
المهم يوم راحت المطبه قال الطيار فكو الاحزمه مافيه الا الخير ووسعوا اصدوركم وبعدها
قال يا نهاد يقصد المضيفه قهوي الربع يا هلا ومرحبا
المهم مشت الطياره وطارت واسرعت على وزن اسفرت وانورت
المهم يوم جتنا نهاد ولا هي ذيك المزيونه الي تقول للقمر قم وانا اجلس محلك
جابت نهاد القهوا وقالت بدك تشرب ولا لا
عاد انا حبيت اتميلح واطول بالحكي معها قلت . من شاور ماعطا
قالت لي شو عطا شو صلاح بدك ولا لا ..
قلت انا عسى ماشر وش في اخلاقك تجاريه
قالت شو انت بدك تستزرف حالك خلصنا بدك ولالا.....قلت لا
قالت احسن قلت في قلبي عسى ماني راكب على حسابك ابوكي وانا مدري
قالت شو بتبرطم تقول
قلت ماقول شي .. قالت بحسب
المهم رديت لطرزان ابو السوالف الشجاعه الي جنبي وقلت له السالفه... قال والله انك مسكين لوه
انا كان جبتها كفين وخليت وجها برنامج مايطلبه الملاكمون....
.
وممدا رفيقنا يكمل سالفته الا وقامو ثلاثه وكل واحد معه رشاش وقالو الطياره مخطوفه .
وبحكم طبعا ان حنا درجه اولى امحق اولى والله يا كراسيه كراسي نيسان بترول موديل 87 مع
تلبيس جلد باغه وبحكم انا اولى قالو لنا كل واحد يبرز هويته كانو متعشمين يلقون سياسين
قلت انا راح فيها رفيقي لان من ضمن سوالفه انه كان عازم بيل كلينتون في مطعم بخاري في المللز
المهم بعد ما فتشو مالقو احد من الي يبونه المهم جو يسئلون رفيقي الي جالس جنبي وكل ما قالو له
شي وجاوب عليه اقوم انا من الذل واقول انا معه كل ماقالو شي له ورد عليهم قلت انا بعد معه
يقولك المثل من خاف سلم المهم قال لي ارفع ايدك فوق قلت ابشر قالي وش اسمك الثلاثي
واقوم واعطيه شجرة العايله .. عطيته اياها بجذوره مابيها المهم بعد الخطف بخمس دقايق
انحشرنا من ريحه غريبه اول مره اشمها منتشره في الطياره .وعلى طول بحكم اني ذكي وفهيم وشجاع
عرفت انها ريحه جديده جماعيه انتجوها المسافرين الحين المهم عرفت ان الوضع سيء والحاله
ترمس والمصيبه الي تضحك انهم يوم جووصوبو الرشاش صوب رفيقنا قام مذعور وقال تكفا لا ترمي
انا حامل ..ضيع الرجال ماعرف هو مراه ولا رجال وبحكم انه كل ما قال شي قلت وانا معه المره ذي
قلت وانا اشهد والله ويوم اقبلو عليه المسكين واشوف رفيقي جنبي الحيه طالت متر وجسمه هزل وبنطلونه
كل اشوي منسع والبلل مغطي معظم البنطلون والكرفته انكمشت من الذل غدت كنها اشارة ممنوع الدوران
قعدت اتهزا به وقلت له بصوت واطي انت في اي شهر ولا وقفت طحت به وقلت ووين ناوي تولد
انصحك بمستشفى التخصصي ولا مستشفى المانع بالدمام ولا تحاول ترهق نفسك
من هنا لين الله ينتعك بالسلامه ذال المسكين ماتحمل الوضع اشوي ويبكي وكل اشوي اقوله ماعليك
لاتخاف انا معك وبقلبي اقول بكيت خشتك يالدجاجه على طول خقيت المهم الخاطفين الظاهر ماعجبهم
اني قاعد اضحك واتهزا برفيقي جاء صوبي قال انت وش تقول قلت ماقلت شي كهكها بس . قال ليش تكهكه قلت
له انا شفت فيلم كان فيه واحد دايم يضحك والثاني خايف قام الخاطفين وخذو الخايف واذبحوه.
ونجى الي يضحك ولا همه قال لي الخاطف وش رايك اني المره ذي راح يكون العكس وعلى طول
انسع بنطلوني وطالت لحيتي وانكمشت كرفتتي والبلل غطا جميع بنطلوني وبديت ابعبع ماني عارف احكي
قال ها وش فيك خفت . قلت لا بس تذكرت المثل الي يقول يا نافخ صدرك بتيوب ماردهم يفشونك بنبوب
((انا منين جبت ذا المثل والله من الضيعه)) المهم تعاطف الخاطف معي وتركني وقمت وسحت على الكرسي
ماني مصدق انه تركني حسبي الله على رفيقي الي جنب كرسيي بغا يضيعني ومن عقبها وانا ساكت
المهم بعد ساعه من طيرانا قال الطيار الازم الكراسي القير خربان ما راح نقدر ننزل الكفرات .
قلت بصوت خافت ورا ماتروح لكراج المسعري عندهم قير ياباني مجدد ماغير
بالف ريال المهم سمع كلامي الخاطف وجاني ضايق وقال لي حضرتك تنكت على طول..
انسع بنطلوني وطالت لحيتي وتبللت اهدومي وشان وجهي يوم شافني اشوي واموت ضحك وخلاني
قال خلاص انا اضحك ويوم راح سحت من على الكرسي ولا عاد حكيت ويوم قرروا
انهم يذبحون الرهاين قالو يبدون برجال الاعمال .المهم قال من فيكم رجال اعمال محد رد.
وكل اشوي يكرر محد رد. من الذل خاصه الجبان الي جنبي ..
المهم قال الخاطف يعني مافيكم ولا رجل اعمال طيب قم انت يقصدني قلت سم قال انت رجل وين تشتغل
قلت اربي اغنام قال يعني رجل اعمال قلت لا طال عمرك شاوي اعمال قال يعني ايش شاوي .
قلت راعي غنم قال طيب اجلس قلت انشالله قام وقال لرفيقي انت قوم وقام
قال وين تشتغل قال رفيقنا انا اربي دجاج قال له الخاطف يعني رجل اعمال.
قال لا والله كلهم اربع دجاجات وكلها بياضه... حب عاد يستخف دمه الخاطف
وقال يعني انت دجاج اعمال قال رفيقنا لا والله الا بياض اعمال والله اني كل يوم ابيض
بيضه وحده. بس اليوم دخلت في الطبق الثاني ويوم جا الخاطف ضحك وضحكنا ويوم شديدت

بالضحك قومني المضيف من النوم قال قم هذا وانت رايح (تبوك )وتنام اجل لو رايح لندن وش بتسوي


حسبي الله عليه المضيف ما خلاني لين احرر الرهاين وانقذ الطياره


تحياتي
الرجوع الى أعلى الصفحة اذهب الى الأسفل
ميمي
مشرف
مشرف
avatar

عدد المساهمات : 3
نقاط : 0
تاريخ التسجيل : 10/10/2009

مُساهمةموضوع: رد: رحلة جوية ممتعة   السبت أكتوبر 10, 2009 5:10 pm

ههههههههههههههههههههههههاي والله رحلـــه طيبه

وركــــاب ولا أروع

ونوما هنيئا..........


والحمدللـــه على سلامتك
الرجوع الى أعلى الصفحة اذهب الى الأسفل
 
رحلة جوية ممتعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ناكر المستحيل :: ~¤©§][الـمـنـتـديــــات الادبية][§©¤ :: القصص والروايات-
انتقل الى: